Tarehe 8 Aprili, Wizara ya Afya ya Tanzania iliandaa hafla ya kuwakaribisha na kuwaaga Timu ya 27 na ya 28 ya Madaktari kutoka China. Balozi wa China nchini Tanzania, Mheshimiwa Chen Mingjian, pamoja na Katibu Mkuu wa Wizara ya Afya, Mheshimiwa Dkt. Seif Shekalaghe, walihudhuria hafla hiyo na kutoa hotuba, wakishirikiana na wanachama wote wa Timu ya 27 na ya 28 ya Madaktari wa China.

Katika hotuba yake, Balozi Chen alisema kuwa Timu ya 27 ya Madaktari wa China imehudumia zaidi ya wagonjwa 10,000 katika kipindi cha miaka miwili iliyopita, na kutoa mchango mkubwa katika sekta ya afya nchini Tanzania. Aidha, alimpongeza Dkt. Zhang Junqiao, aliyekuwa kiongozi wa Timu ya 27, ambaye alipoteza maisha kwa kishujaa alipokuwa akimwokoa mkazi wa eneo hilo aliyekuwa ameanguka baharini, akionesha mfano wa hali ya juu wa kujitolea wa Timu ya Madaktari wa China. Alieleza matumaini yake kuwa Timu ya 28 itaendelea kujitoa kwa ajili ya afya na ustawi wa wananchi wa Tanzania. 

Kwa upande wake, Dkt. Shekalaghe alitoa shukrani zake kwa Serikali ya China na kupongeza mchango mkubwa uliotolewa na Timu ya Madaktari wa China katika maeneo mbalimbali kama vile utoaji wa huduma za matibabu, msaada wa kitaalamu pamoja na mafunzo. 

Katika hafla hiyo, Wizara ya Afya ya Tanzania ilikabidhi vyeti vya pongezi kwa wanachama wote wa Timu ya 27 ya Madaktari wa China.